Te Ako
"Ko te mokopuna/ākonga te pūtake o te mātauranga"
Ngā mihi o te wā ki a koe, otiia, ki a tātou katoa. Kei tēnei whārangi ētahi pitopito kōrero hei āwhina i tō māramatanga, mōhiotanga mō Māori Medium e-Learning Planning Framework (MMeLPF) e kiia nei ko Te Rangitukutuku.
He whakamāramatanga
E hāngai pū ana te whenu nei ki ngā mahi ako, ki ngā mahi whakaako, me ngā āhuatanga o te ako-e hei huarahi tautoko i ngā mahi akoako. I te mea hoki, koinei tētahi huarahi e whakahirahira ana ki ngā ākonga ka tahi. Ka rua, mā te ako-e ka māmā te kimi mātauranga i Aotearoa, i te ao whānui hoki.
He pū kōrero
Ko Te Ako tētahi o ngā whenu tūāpapa e rima ko āna kōrero e hāngai ana ki te takahi haere i Te Rangitukutuku (MMeLPF). Mā te aro ki ngā matea a ngā ākonga me ngā huarahi whakaako a ngā kaiako mā roto mai i te ako-e me ētahi atu rawa hangarau e rangatira ai ngā ākonga ā haere ake nei.
E whakaahua ana Mihi Morunga, kaiako nō Te Kura o Finlayson me āna ākonga i te tukanga hanganga pukapuka-i me ōna painga i roto i te tukanga ako. Ka oti ana te hanga i ngā pukapuka-i ka tiria e ngā ākonga ki ō rātou whānau.
E kōrero ana ngā kaiako me ngā ākonga nō Te Kura o Finlayson e pā ana ki ngā painga o te whakamahi i ngā momo taputapu hangarau i te tukanga hurihanga pakirehua i te akomanga.
E whakamārama ana a Susan Lee, kaiako kei Te Kura O Kutarere, i ngā pānga hiranga nui o te whakamahi i tētahi rawa hangarau tuhituhi kore utu kīia nei ko Storybird ki te whanaketanga o te reo matatini o āna ākonga. Ka kōrero ia mō te āhua whakahihiri whaiaro o ngā ākonga me tū whakahihi hoki i te āhua o ā rātou mahi. Mā roto mai i Storybird kua huri ngā kaituhi horokukū ki te pānui i ā rātou ake tuhinga, me te pānui hoki i ngā tuhinga a ō rātou hoa, ā, e rere kau noa ana ngā mahi tuhituhi nā te mea ko te patopato kupu me te kōwhiri pikitia kē ta mahi kaua kē ia te tuhituhi mā te pene ki te pepa.
Using Storybird to improve literacy skills
Susan Lee, teacher at Te Kura o Kutarere shares how using Storybird in her classroom has made a significant impact on the literacy development of her students
Students take ownership of their learning
Staff at Te Kura o Kutarere talk about the change in students' attitude to learning that has occurred as a result of using Storybird in the writing process.
Inquiry in the classroom
Teachers and students describe how using ICTs adds value to the inquiry process in the classroom.
Creating iBooks
Teacher, Mihi Morunga and students describe the process of creating iBooks and the benefits these have in the learning process.
Using digital technologies to support the teaching of te reo Māori
Teachers from Pegasus Bay School describe how they use digital technology to support the teaching of te reo Māori.
Māngātuna – He reo ākonga
Ako i roto i ngā hangarau matihiko - arā, te mahitahi o ngā ākonga me ngā kaiako.
Māngātuna - Kōrero tahi me te whānau
E whakaatu ana tēnei ataata i te hononga a te hapori, ka tahi, mā te whakapapa, ka rua, mā te ipurangi, arā ko Pukamata.
Māngātuna – Ngā awhero me ngā uaratanga
He akoranga ā-takiwā- he hononga tōtika ki ngā hiahia a te iwi, he horopaki tūturu ā, ngā akoranga hōhonu anō hoki.
Pi`ipi`inga – Ngā hangarau matihiko te hanganga
E kōrero ana a Moana Kake, Tumuaki o te kura kaupapa Māori o Te Pi’ipi’inga Kākano Mai Rangiātea e pā ana ngā hangarau matihiko me te hanganga i roto i te kura. Kia tū māia ngā kaiako me ngā tamariki.
Te Pi`ipi`inga Kakano Mai Rangiatea – Ngā awhero me uaratanga
E kōrero ana a Moana Kake, Tumuaki o te kura kaupapa Māori o Te Pi’ipi’inga Kākano Mai Rangiātea mō te tīmatatanga o te kura me ō rātou awhero, ngā uaratanga hoki e manawanui nei e rātou.
Sorry, no items found.
He rauemi āwhina
E whai wāhi atu ana ngā āhuatanga katoa o te ako i tēnei whenu, mai i te āhua o te ākonga, me te hanga marau ā-kura, ā, tae noa atu ki te taha whakaako, aromatawai hoki.
Te āhua o te ako me te whanake ako-e.
Te Waharoa Ararau (ā-Motu, ā-Kura)
He mea waihanga a Te Waharoa Ararau ā-Motu me te Te Waharoa Ararau ā-Kura e Te Tāhuhu o te Mātauranga mō ngā kura e whakamahi ana i Te Marautanga o Aotearoa. Ko tāna mahi nui he whakaemi i ngā kōrero me te tuku pūrongo mō ngā ekenga taumata ako e hāngai ana ki Ngā Whanaketanga Rumaki Māori.
Te wāhi e kite ai i ngā rauemi e hāngai ana ki te ako mā te reo Māori.
He pūmanawa tautono ako reo Māori
Ka kōrero mai a Rāwiri Toia, nō Te Whare Wānanga o te Upoko o te Ika a Māui, e pā ana ki tētahi pūmanawa tautonu e kiia nei ko 'Kura' e tautoko ake ai i te ako reo Māori.
Te Pūmanawa (The Breath of Life)
He pūmanawa tautono ā-kawe mō te reo Māori me ōna tikanga, e taea ana i ngā momo pūrere hangarau kawekawe katoa: Ngā waea atamai, ngā iPapa, me ērā atu momo pūrere hangarau kawekawe.
Kua whakamāorihia te kohinga pukapuka Milly Molly. E whai pānga ana ēnei pukapuka ki ngā mahi mātātoa a tētahi kōtiro tokorua, nō mātāwaka kē, me o rāua hoa tikanga maha. Ka taea e te kaiwhakamahi tēnei pūmanawa tautono te tirotiro, me te tiki ake kore utu i te pae pukapuka.
He papakupu tuihono tēnei e hāngai ana ki ngā wāhanga ako o Te Marautanga o Aotearoa. I tēnei wā ko ngā kupu, i te papa kupu, nei he kupu mō Ngā Toi anake. Hei te mutunga o te tau 2017 ka tāpirihia ngā kupu mō Te Reo Pāngarau, kātahi ko Te Reo Matatini me Te Reo Pūtaiao hei te tau 2018. Ko te whāinga whānui kia tāpirihia ngā kupu mō ngā wāhanga ako katoa o te marautanga.
