Duration: 3:15
He akoranga ā-takiwā- he hononga tōtika ki ngā hiahia a te iwi, he horopaki tūturu ā, ngā akoranga hōhonu anō hoki.
I hua mai ērā kōrero i te Pāpa rā i a koro Te Huirangi Waikerepuru nāna tonu te ingoa o te kura i tapa. Ki taku mōhio i taua wā ko te whakatukutuku mai o te reo o Taranaki motuhake nei te pūtaketanga o tana hiahia kia whakarauora mai tētehi hapori kōrero Māori. Mai i ngā kākano tae noa atu ki ngā tipuranga, ngā purapura, pākeke nei. Nō reira, koirā te ahunga mai o te ingoa.
Ko ngā uaratanga o tō mātou kura o tēnei o ngā kura kaupapa Māori huri noa i te motu, ko Te Aho Matua. Koia te pūtaketanga mai o te whakaaro nui kia whakarea mai tētehi āhuatanga, kōkiri whakamua i te Kōhanga reo, nō reira ko te kura kaupapa Māori tērā, tae noa atu ki te Wharekura.
(Kei te waiata ngā tamariki)
Taumaha, ahakoa ngawari tonu te huarahi, ko tā mātou o te kura nei, he whakatō i tērā kākano te moemoeā ki roto i ā tātou tamariki. E taea ana te whakakupu i ngā āhuatanga e manawa nui nei rātou. He maha ngā moemoeā, ngā wawata e hiahiatia nei te whānau whanui o tēnei kura.
I tōna whakahītanga mai, ko te whakawhanake te reo Māori, ka tahi. Ko te whakatōkia i ngā uaratanga o Te Aho Matua ka rua. Ko te kōkiri i te oranga tonutanga o te Kōhanga reo, ka toru. Arā, i te kura kaupapa Māori, ko te Wharekura tērā, ka wha. Ka rima, ko te whakahī mai i tētehi āhuatanga wānanga, kia noho mai, ko te Kōhanga reo, ko te kura kaupapa, ko te Wharekura, ko te Whare Wānanga ki te wāhi kotahi. Arā, ko Rangiātea papakāinga tēnei. Koia tētehi o ngā moemoeā ko te whakarewa mai te Wharekura me ngā āhuatanga matihiko katoa e taea ana.
Nā reira, ko tētehi o ngā kopa, kapo waiata me kī, koia tētehi o ngā tino moemoeā. Ā tōna wā hoki tō mātou ake reo irirangi i te kura. Kia rangona whānuitia te reo Māori i ngā wā kai. Hanga i wā rātou ake kēmu. Arā, te kuhu ki roto i tērā ao matihiko, kia taea ai te whakatairanga i te reo Māori, ngā kura kaupapa Māori i roto i te ao whānui.
Kaua ko ao Māori anakē, engari kia hoki rā anō ki ngā kōrero o Apirana Ngata e mea ana, kia toia mai ngā āhuatanga o te ao Pākehā hei tikitiki mō te māhunga, nō reira, koirā ngā āhuatanga katoa, ngā moemoeā, e manawanui nei ā tātou whānau, otira ā tātou tamariki.