Te Kete Ipurangi Navigation:

Te Kete Ipurangi
Communities
Schools

Te Kete Ipurangi user options:


Te Kanohi Mataara

"Māku e whatu, mā koutou e tāniko"

Ngā mihi o te wā ki a koe, otiia, ki a tātou katoa. Kei tēnei whārangi ētahi pitopito kōrero hei āwhina i tō māramatanga, mōhiotanga mō Māori Medium e-Learning Planning Framework (MMeLPF) e kīia nei ko Te Rangitukutuku. Ki te pīrangi āwhina anō, tēnā, tuku karere mai ki mmelpf@core-ed.org .

He whakamāramatanga | He pū kōrero | He rauemi āwhina

He whakamāramatanga

Ko te whenu nei he mea titiro ki ngā mahi tātaki o te kura. E aro ana ki ngā momo āhuatanga o te taha whakahaere, o te taha tātaki hoki a ngā kaiwhakahaere o te kura.

He pū kōrero

Ko te Kanohi Mataara tētahi o ngā whenu tūāpapa e rima. Ko āna kōrero e hāngai ana ki te takahi haere i Te Rangitukutuku (MMeLPF). Mā roto mai i te whakakite, i ngā rautaki, me te whakatinanatanga o ngā tikanga ako-e a te mana whakahaere, e whai hua ai ngā kura.

E kōrero ana a Merita Waitoa-Paki, te tumuaki o TKKM o Tuia Te Matangi i Whakatū e pā ana ngā piki me ngā heke o Te Kanohi Mataara. I te tīmatanga ko tētahi o ngā māharahara ko te mataku ki tēnei mea te hangarau. Kāore he take kia mōhio ki ngā mea katoa hēoi anō kia anga whakamua te kura, kia tūwhera te hinengaro ki ngā akoranga rerekē.

E kōrero ana a Merita Waitoa-Paki, te tumuaki o TKKM o Tuia Te Matangi i Whakatū e pā ana ki te whakakitenga, te whānau, te hapori. Nā te whakataukī o te kura nei e kī ana, Kia wairua Māori, kia tangata Maori, kia reo Māori, Anā te hā! rātou i ārahi. Kua kōtuitui haere ngā āhuatanga o te ako-e i roto i taua whakataukī.

He rauemi āwhina

He hononga ki ētahi atu rauemi e hāngai ana ki ngā āhuatanga o te taha whakahaere.

Te Marautanga o Aotearoa ā-Ipurangi
He rauemi āwhina i te hanga marau ā-kura me te āhua o ā tātou ākonga.

Tū Rangatira
Tū Rangatira: he whakatakoto tauira o te tū hei kaitātaki e whakaata ana i ētahi o ngā tūranga me ngā kawenga matua a te kaitātaki e tino puta ai ngā ākonga Māori i ngā mahi rapu mātauranga.

TKKM o Te Whānau Tahi - Te Tāurungi / Digital Citizenship
Nā Te Kura Kaupapa Māori o Te Whānau Tahi tēnei paetukutuku. Ko tana kaupapa matua, ko te tāurungi.


Footer: