Duration: 2:47
Ako i roto i ngā hangarau matihiko - arā, te mahitahi o ngā ākonga me ngā kaiako.
Ka tiro atu e rātau te huarahi e whai ake ana e rātou. Te nuinga o rātau ka kite atu i te whānui o ngā mahi anō nei te whānui hoki o ngā kaupapa, nō reira, kia whaiiti kia tūtuki pai ngā mahi, koina kei reira kē mātau ngā kaiako e akiaki tonu ana i tērā āhuatanga. Tuakana, teina tētahi āhuatanga o te kura, kāore e kore ka whakatauira atu mātau ngā kaiako, me pēhea te kawe i ngā mahi o te kura kātahi ka tere kite atu ngā tuakana, ngā momo āhuatanga ka whakahaeretia tō i a rā pēnei anō i te karakia, te tuku mihi tētahi ki tētahi, ka tīmata tō i a rā pērā ai e mātau i te kura. Nō reira, ahakoa teina, ahakoa tuakana ka whaia e rātau te tū i mua i te katoa.
He kura kaupapa Māori, nā reira ka whai atu i ngā tuhinga i roto i te Aho Matua, ngā mātāpono e ono i roto i te Aho Matua, mā te tamaiti, mō tōna ao tipu, mā te ākonga kia puawai mai ai e ia, ahakoa he aha tāna e hiahia ana. Nā reira, koina, ko te kura, mā te ākonga.
Kua whakapōua e mātau te pātai atu ki a rātau, kia homai i ō rātau whakaaro i roto i wā tātau mahere, i roto i wā tātau whainga nui me kī o te kura. Kia whakarite kaupapa i runga i wā rātau e hiahia ana.
Ki taku taha kua ono tēnā, ka tere kimihia ngā huarahi, o tēnei wā o te tamaiti. Arā, he ao matihiko, nō reira ko ētahi mahi kua whakaatu au ki ngā tamariki ko te Google slides tētahi āhuatanga ka tere whai atu. Ngā momo tau pānga o te iPapa kua tere mau e rātau, ko rātau anō tērā ka rangahau he aha ō rātau hiahia. Nō reira, ki te hiahia te whai atu i tētahi kaupapa, ka tere whakaatu mai e rātau. He mōhioranga tō rātau ake, nō reira,ko au anō tērā kei te ako tō i a rā, tō i a rā. Ahakoa tērā, Seesaw tētahi atu kua kawe atu, kua tīmatahia i te kura. He pai anō kia kite atu ngā mātua i ngā mahi o wā rātau tamariki.