Te Kete Ipurangi Navigation:

Te Kete Ipurangi
Communities
Schools

Te Kete Ipurangi user options:


Te Hangarau, Te Tūāpapa

"Ko tō ringa ki ngā rākau a te Pākehā"

Ngā mihi o te wā ki a koe, otiia, ki a tātou katoa. Kei tēnei whārangi ētahi pitopito kōrero hei āwhina i tō māramatanga, mōhiotanga mō Māori Medium e-Learning Planning Framework (MMeLPF) e kiia nei ko Te Rangitukutuku. Ki te pīrangi āwhina anō, tēnā, tuku karere mai ki mmelpf@core-ed.org .

He whakamārama | He pū kōrero | He rauemi āwhina

He whakamāramatanga

Ko te whenu e hāngai ana ki ngā taputapu, ki ngā rawa hangarau, ko ‘ngā rākau ā te Pākehā’. Mā ngā taputapu nei e taea ai e te kura te tūhono atu ki te ipurangi, ki ngā momo taonga ki ngā rawa hangarau maha o te ao matihiko nei. Mā ngā rawa hangarau e ngakau hihiko ai te ākonga ki te ako.

He pū kōrero

Ko Te Hangarau, Te Tūāpapa tētahi o ngā whenu tūāpapa e rima ko āna kōrero e hāngai ana ki te takahi haere o Te Rangitukutuku (MMeLPF). Kua hāpaitia Te Hangarau, Te Tūāpapa me ngā rawa hangarau katoa e tika ana mā te ākonga, me ērā e tautoko ana i ōna hiahia i te ao matihiko.  

Ka kōrero a Merita rātou ko Anthony, ko Carla e pā ana ki Te Hangarau, Te Tūāpapa i roto i tō rātou kura. I te tīmatanga i rangahaua e Merita te āhua o te hangarau tūāpapa e tika ana mō tō rātou kura. Ka haere ia ki ngā hui maha me te whakaaro tonu ki ngā taputapu e tika ana mō tō rātou kura, kaua mō te hoko noa iho te take.   

He rauemi āwhina

Koinei te wāhanga e hāngai ana ki ngā taputapu, ki ngā rawa hangarau.

Technologies
He whārangi nō enabling e-Learning e whakarārangi i ngā momo rawa hangarau.

Te reo Māori apps
He rōpu whakawhitiwhiti kōrero kei te paetukutuku nei, He kōtuinga ako ā-ipurangi (Virtual Learning Network.)

He pūmanawa tautono ako reo Māori
Ka kōrero mai a Rāwiri Toia, nō Te Whare Wānanga o te Upoko o te Ika a Māui, e pā ana ki tētahi pūmanawa tautonu e kiia nei ko 'Kura' e tautoko ake ai ki te ako i te reo Māori.

Te Pūmanawa (The Breath of Life)
He pūmanawa tautono ā-kawe mō te reo Māori me ōna tikanga, e taea ana i ngā momo pūrere hangarau kawekawe katoa: Ngā waea atamai (Android rānei, Apple rānei), ngā iPapa, me ērā atu momo pūrere hangarau kawekawe.

Milly, Molly Māori library
Kua whakamāorihia te kohinga pukapuka Milly Molly. E whai pānga ana ēnei pukapuka ki ngā mahi mātātoa a tētahi kōtiro tokorua, nō mātāwaka kē, me o rāua hoa tikanga maha. Ka taea e te kaiwhakamahi tēnei pūmanawa tautono te tirotiro, me te tiki ake kore utu i te pae pukapuka.

TKKM o Te Whānau Tahi - Te Tāurungi / Digital Citizenship
Nā Te Kura Kaupapa o Te Whānau Tahi tēnei paetukutuku. Ko tana kaupapa matua, ko te tāurungi.


Footer: