Te Kete Ipurangi Navigation:

Te Kete Ipurangi
Communities
Schools

Te Kete Ipurangi user options:


Te Taiao Ako

"He tangata ākona ki te whare, tūnga ki te marae tau ana"

Ngā mihi o te wā ki a koe, otiia, ki a tātou katoa. Kei tēnei whārangi ētahi pitopito kōrero hei āwhina i tō māramatanga, mōhiotanga mō Māori Medium e-Learning Planning Framework (MMeLPF) e kiia nei ko Te Rangitukutuku. Ki te pīrangi āwhina anō, tēnā, tuku karere mai ki mmelpf@core-ed.org .

He whakamāramatanga

E aro ana te wāhanga nei ki te taiao ako me ōna āhuatanga katoa. Ehara i te mea ko te kura me te akomanga noa iho tēnei, e kāo. Ara anō te taiao ako i waho atu i te kura. Ko tēnei whenu he mea titiro ki te kaha o te kura ki te mahi ngātahi ki te whānau, ki te hapori, ki ngā ākonga. Ko te mea nui i roto i Te Rangitukutuku, ko te kōtuitui i te reo o te whānau, o te hapori, o te ākonga ki ngā whenu katoa.

He pū kōrero

Ko Te Taiao Ako tētahi o ngā whenu tūāpapa e rima ko āna kōrero e hāngai ana ki te takahi haere o Te Rangitukutuku (MMeLPF). E whakaatu ana tēnei whenu i ngā huarahi wātea hou mā ngā kura, ki te mahitahi ki ngā whānau me ngā hapori mā roto mai i te whakamahi i ngā rawa hangarau. 

E kōrero ana a Merita Waitoa-Paki, te tumuaki o TKKM o Tuia Te Matangi i Whakatū e pā ana ki te whakakitenga, te whānau, me te hapori. Nā te whakataukī o te kura nei rātou i ārahi, arā ia, ”Kia wairua Māori, kia tangata Māori, kia reo Māori, Anā te hā! Kua kōtuitui haere ngā āhuatanga o te ako-e i roto i taua whakataukī.

He rauemi āwhina

Connecting with the community
Ko Dave McShane (tumuaki) rātou ko Susan Lee (kaiako), ko ngā kaumatua hoki nō Te Kura o Kutarere e kōrero ana i te wāhi ki ngā tūmomo hangarau hei akiaki i te hapori ki te tahuri ki te tautoko me te whai wāhi ki ngā akoranga a ngā ākonga.

Parent technology sessions
E whakamarama ana a Kathy Moy-Low i pēhea tā rātou matapaki tahi me te akiaki hoki i te hapori mātua ki te ako ki ngā āhuatanga ako-e.

Study centre
Kua whakaritea e Te Kura o Finlayson Park tētahi wāhi whakangungu akoranga kore utu nei mō muri mai i te rā kura, mā ngā ākonga e whai wāhi ai rātou ki ētahi rorohiko me te ipurangi kāore pea i te wātea ki a rātou me ō rātou whānau i o rātou kāinga ake.

TKKM o Te Whānau Tahi - Te Tāurungi/Digital Citizenship
Nā Te Kura Kaupapa Māori o Te Whānau Tahi tēnei paetukutuku. Ko tana kaupapa matua, ko te tāurungi.

Te Marautanga o Aotearoa
Koinei te whārangi whakaemi i ngā kōrero, rauemi hoki e whai pānga ana ki ngā whānau. 

Te Mangōroa
Hei mea whakaata ngā rauemi kei tēnei whārangi i ngā mātāpono o ngā takahoatanga whaihua ka mutu kua whakaaturia ētahi tauira nō ngā kura puta noa i Aotearoa.


Footer: