Matapihi School vision for using digital technologies to support connections with the wider world

Kia tū rangatira ai tā tātou tamariki i roto i te ao Māori me te ao whānui. Ka akiaki i ngā tamariki kia pūmau tonu ki ngā tikanga Māori me te reo Māori, ā, ki te ako hoki i ngā mea hou, pērā i te ao matihiko. Āta whakaaro tātou katoa, kaiako, whānau, tamariki hoki he aha anō tētahi ara kia whakapakari i tā tātou aro ki te mātauranga, ki te marautanga o Aotearoa. Ko tēnei kura Te Kura o Matapihi he kura ā-iwi. Ko te reo me ngā tikanga te mea tuatahi kia ako i roto i te marautanga. Whai muri i tērā e whakaaro ana me pēhea te whakamahi i te marautanga kia tino hīkaka te ako a ngā tamariki. Nā te poari i hoatu te pūtea tautoko kia tono mai, kia haere mai tētahi kaiako matihiko. Ka mihi ki te poari mō te pūtea tautoko, he mea nui tērā. E mōhio ana he tino tere te tini o te ao matihiko. Ko te painga o tērā tūranga, ko ia tērā e whai whakaaro ki te hoko i ngā taputapu me ngā rauemi matihiko. E mōhio pai ia ki ngā rauemi ki ngā āhuatanga o tērā ao. Nō reira, i tono mai kia whaea Sandy, kia mahi ia ki te taha a ngā kaiako, kia whai whakaaro rātou me pēhea te tuitui i te ao matihiko ki te whakaako i a rātou i roto i te akomanga, ki te whakaako tonu i te reo Māori. I kite i ahau i ngā hua o tēnā, o te noho o ngā kaiako i te taha o whaea Sandy. Mēnā ka haere ahau i roto i ngā ruma ka kite ahau e ngā tamariki e tino ū ana ki te whakaako mā te ao matihiko. I whakahaerehia rātou i ngā whakaari, i ngā mahi animations ērā āhuatanga katoa, kiriata. Me whakangungu i ngā kaiako kia pakari ake rātou, kia haere tonu te mahi matihiko i roto i ngā akomanga, ahakoa kāore i reira a whaea Sandy. Mā te kaha o Sandy te akiaki i a rātou, mā tā rātou ake kaha kia hiahia rātou ki te ako i te ao matihiko. Ko tētahi atu mea, e arahi ana i a tātou mō te ao matihiko ko tō tātou whakataukī o te kura ‘Ko te kai a te rangatira, he kōrero, ko te wai a te rangatira, he wānanga’ kia ora.