Duration: 2:33
E kōrero ana a Merita Waitoa-Paki, te tumuaki o TKKM oTuia Te Matangi i Whakatū e pā ana te whanake ngaiotanga a ngā kaiako. I ngā rangi pouako he wā te whakangungu mō te āhuatanga ako-e. Ko te mahi ngātahi te tino whainga o te mahi, kia kaua tētahi e ārahi, engari mā te katoa ngā mahi e ārahi.
Merita Waitoa-Paki – Tumuaki TKKM o Tuia Te Matangi
Ko te whakangungu pouako. Ko te kaupapa tino whakahirahira tēnei kaupapa. Nā reira ka whakarite rangi pouako. I roto i aua rangi ko te whakangungu, ko te whakaatu i ngā momo mahi, ana, ko te whāinga i tēnei wā, ko ngā pūmanawa tautono o te ī-papa. He aha ētahi pūmanwa pai mō te whakauru ki roto i ia akoranga mō te reo matatini, te mahi pāngarau, ngā kaupapa katoa. Nā reira, whakamahia ki te kāinga, raweke haere, tutū haere, mā tērā ka noho te ī-papa ko tō tino hoa. Ehara i te hoa, hoariri, he hoa, ā, whakawhanaunga atu, whakahoahoa atu ki tēnei mea te ī-papa, kia tuku o matakutanga me kī, kia noho āio tō noho ki te ī-papa nei. Mā te tutū ka mōhio. He iwi kaha tātou ki te raweke haere i ngā mea katoa, ehara ko te hangarau anake. Nā reira, mā te mahi whakangaio pouako e tautoko i tō hangarau tūāpapa. Me whakatinana, me whakatauira te kaiārahi, ngā kaiārahi, ngā pouako i ngā mahi. Kia kaua e waiho ki tētahi tangata anake, mā tērā tangata e whakahaere i ngā mea katoa, kāore e taea, me mahi ngātahi. Ko te ako-e he mahi ngātahi, ehara i te mahi takitahi.
Ko te aronga o te whakangungu pouako mō te ī-papa me te ako-e, ko te whakatinanatanga i roto i ngā akomanga. He aha ngā tukanga i whai te pouako me te tamaiti?
Nā reira, kua oti me kī, te tutū haere, te whakamārama atu i ngā momo pūmanawa tautono. Ināianei, ko te whakatinana i ngā pūmanawa tika, pai mō te hiki i ngā mahi, i ngā akoranga, i te angitu o te tamaiti.