Te Kete Ipurangi Navigation:

Te Kete Ipurangi
Communities
Schools

Te Kete Ipurangi user options:


STEAM with new entrants

Video Help

Duration: 2:32

Deputy Principal, Te Aoterangi Moore, talks about a project on primary colours that he taught in science and how he worked with the e-learning coordinator to integrate that into all areas of the curriculum. Te Aoterangi also discusses the ways this project has benefited his students.  

I tērā wāhanga ko te pūtaiao tō mātou tirohanga matua e pā ana ki ngā momo tae, ngā tae mātamua nā reira, i tūhonohono te kaupapa pūtaiao ki roto i ngā wāhanga ako katoa o te marautanga. Ko te aronga nui o te pakirehua, ehara ko te titiro ki te mutunga mahi, engari he aha ngā hīkoitanga e hīkoi ana tātou hei āwhina i ngā tauira? Pēhea tātou e whakawhānui i te whakaaro, te tirohanga, me te ruku hōhonu ki tētahi kaupapa. Ko tētahi o ngā āhuatanga nui, i noho tahi māua ko Sandy ki te whakamahere, i tūhono i noho tahi ki te whakamahere. Nāku i whakaako i ngā āhuatanga o te reo Māori te pānui, te tuhi i roto i te ruma. Kātahi, ka haria mai au taku akomanga ki te akomanga o Sandy, ki reira mahi tahi ai. He maha ngā hua i puta i kite atu au i te hiakai o ngā tamariki ki te ako. He kaha anō ki te mau i ngā mātauranga hou, kātahi ka kawe atu ki tērā marau, ki tērā marau. Ētahi tamaiti ako mā te whakarongo, mā te mahi. Koia rā ngā āhuatanga nui kua puta mō mātou. I te mutunga ake o ngā akoranga katoa, ko te hua i puta, i hanga mātou tētahi kiriata. I roto i te kiriata e hopu ana i ngā hīkoitanga, i ngā mahi, i ngā akoranga nui i haere i roto i taku akomanga. Kātahi anō au kua mutu te tātari te raraunga o te kura. Ko tētahi atu o ngā hua nui i puta mōku, ko te reo Māori o ngā tamariki. Tua atu i te Pāngarau, tua atu i te reo matatini, mā te whakamahi i ngā momo tūhuratanga pūtaiao, Ngā Toi, aua āhuatanga kua tūwhera tētahi papa tū waewae mō rātou ki te whakamahi i te reo Māori. Ko tētahi atu o ngā hua i puta, i whakahaere ngā tamariki i te uiui i te taha o rātou mātua, nō reira i whakaatu ngā momo tūhuratanga o te pūtaiao, te whakaranu tae. Ko te mea nui nā rātou anō te hui i kawe mō rātou mātua. Ko te tirohanga whānui o tō tātou kura kia tū rangatira ai ngā tamariki i roto i te ao Māori me te ao Pākehā.

Tags: Primary, Science, Te reo Māori, Collaborative teaching, STEM/STEAM


Footer: