Te Kete Ipurangi Navigation:

Te Kete Ipurangi
Communities
Schools

Te Kete Ipurangi user options:


Whanake Ngaiotanga

"He toi whakairo, he mana tangata"

Ngā mihi o te wā ki a koe, otiia, ki a tātou katoa. Kei tēnei whārangi ētahi pitopito kōrero hei āwhina i tō māramatanga, mōhiotanga mō Māori Medium e-Learning Planning Framework (MMeLPF) e kiia nei ko Te Rangitukutuku. Ki te pīrangi āwhina anō, tēnā, tuku karere mai ki mmelpf@core-ed.org .

 He whakamāramatanga | He pū kōrero | He rauemi āwhina

He whakamāramatanga

Ko te ao matihiko tētahi huarahi ako e kaingākautia ana e te hunga ākonga, nā reira, kia uru atu ai ngā āhuatanga o tēnei huarahi ako, e tika ana me whai huarahi hei āwhina i ngā kura. Ko tēnei te whenu e aro nui ana ki ngā whakangūngūtanga, ki te whanaketanga o ngā kaiako, o te whānau i roto i ngā mahi o te hangarau mōhiohio, o te ako-e.

He pū kōrero

Ko Te Whanake Ngaiotanga tētahi o ngā whenu tūāpapa e rima ko āna kōrero e hāngai ana ki te takahi haere i Te Rangitukutuku (MMeLPF). Kāore he mutunga o te whanake ngaiotanga mā ngā kaiako, engari ko tētahi tohu e whakaatu ana i te whai take o ngā mahi ko te taea o te ākonga ki te whakahāngai i āna mahi whakakorikori i ngā rawa hangarau.

E kōrero ana a Merita Waitoa-Paki, te tumuaki o TKKM o Tuia Te Matangi i Whakatū e pā ana te whanake ngaiotanga a ngā kaiako. I ngā rangi pouako anake he wā kua whakaritea hei whakangungu i ngā āhuatanga ako-e. Ko te mahi ngātahi te tino whāinga o te mahi, kia kaua e riro mā tētahi pouako anake e ārahi, engari mā te katoa kē.

He rauemi āwhina

He hononga ēnei ki ētahi rauemi e tautoko ai i te whakangūngūtanga, i te whanaketanga o ngā kaiako, o te whānau i roto i ngā āhuatanga o te ako-e.

Te Marautanga o Aotearoa  
Te hurihanga whakaako pakirehua.

Te Mātānuku
Te whārangi kei te TMOA ā-ipurangi e whakamārama ai i ngā hōtaka tautoko ngaiotanga mō te hunga e mahi ana ki ngā akoranga reo Māori, reo rua hoki.


Footer: