Te Kete Ipurangi Navigation:

Te Kete Ipurangi
Communities
Schools

Te Kete Ipurangi user options:


Mō Te Ara Whītiki

I ngā wā o mua ka raru ana te Māori ka whītiki atu ki ētahi tangata mātau kia whai māramatanga, kia whakatakoto ara kōkiri whakamua. Mā reira e tū kaha ai te whānau, te hapū me te iwi. Ko ngā whakaaro nui o Te Ara Whītiki ka takea mai i te noho a te Māori i ngā rā o mua, arā, te whītiki ki ngā tāngata mātau me ō rātau mōhio hei whakatakoto ara e eke ai ngā taumata ako. Ka hāngai Te Ara Whītiki ki Te Rangitukutuku. He anga Te Rangitukutuku e tautoko ana i ngā kura i roto i ngā mahi ako-e. Me whānui ka tika ngā whakaaro nui o Te Ara Whītiki kia taea ai e ngā kura te whakatakoto i ō rātau ake ara e tutuki ai ō rātau ake taumata ako.
 
Mā te Te Ara Whītiki e āwhina i ngā kura ki te whakauru i ngā momo hangarau ki ngā mahi akoako hei hiki i ngā putanga ako o ngā ākonga katoa.

Ko te kaupapa nui o te Te Ara Whītiki ko te tautoko i ngā kura ki te whakauru i te hononga aunui wawe (ultra fast broadband), te N4L Managed Network me ngā hangarau hei hiki i ngā putanga ako o ngā ākonga katoa.

He hononga hangarau

two primary school students with iPad

Kua tōia e ngā kura ngā hangarau, pērā i te ipurangi, ngā rorohiko, ngā papa rorohiko ki te akomanga kia māmā ake ai, kia tere ake ai hoki te hono atu ki ētahi rauemi, ki ētahi rawa hangarau me ētahi tāngata mātau.

E uru atu ana ngā kura ki ngā hapori ā-ipurangi hei huarahi mahitahi ki ētahi atu kura ki te whakauru i ngā hangarau ki ngā mahi akoako.

Kei te whakamahi hoki ngā ākonga i ngā hangarau hei huarahi mahitahi ki ētahi atu ākonga o te motu, o te ao whānui tonu, ki te whakatakoto i ā rātau ake mahere ako e hāngai ana ki ō rātau ake hiahia.

E tūhono atu ana ngā whānau me ngā hapori ki te kura mā ngā momo hangarau.

He nui ngā tāngata kei te whakamahi i ngā hangarau ki te kimi kōrero, ki te ako hoki.

Kei te tūhonohono haere ngā kura ki te ipurangi nā reira e wātea ana ēnei momo akoranga ki ngā kura o Aotearoa whānui tonu.

Inā te nui o ngā rawa hangarau e wātea ana ki ngā kura. Ko te mate ia, ko te whiriwhiri i ngā mea e tika ana hei hiki i ngā putanga ako o ngā ākonga.

Ka tuku rauemi, ka whakahaere kaupapa whakangungu ā-ipurangi, ā-kanohi rānei te Te Ara Whītiki hei tautoko i ngā kura kia whaitake ai ngā rawa hangarau i roto i ngā mahi akoako.

Mēnā he pātai āu e pā ana ki te Te Ara Whītiki, tuku karere mai ki tēnei īmēra: info@connectedlearning.org .

Mō te roanga atu o ngā kōrero mō te Te Ara Whītiki, tīkina te puka nei.

CLA A4 Brochure.pdf (PDF, 1.02 MB)

CLA e-Learning community discussions

Join these groups to participate in discussions, ask questions, and share resources with other educators. 


Footer: